古上書是咱的祖先留落來的優秀非物質文化遺產，古早人說的話句句是真理。
平平拿豬仔咬輸人。
人若衰放屁彈死雞。
放屁激脫褲。
摸沙螺兼洗褲，一兼兩顧。
兩人拖鋸，有來有去。
兩面三刀。
三雙來六塊去。
六月芥菜假有心。
心性若是好，風水勿免討。
海若准勿討，船櫓做扁擔舉特逗。
特特吃加一。
一言一用千言無用 。
一更窮二更富三更起大厝四更折賣還勿赴。
大厝大海海，餓死無人知。
知人知面不知心。
心歹無人知，嘴歹較厲害。
害人之心不可有，防人之心不可無。
無冬節都要煎貼，有冬節勿搓圓。
冬節暝睏沒會天光。
天光作到面捂。
捂黑捂紅。
紅天赤日頭。
頭除來尾除去。
有頭就有網根。
有田就有稗，有人就有話。
有九十九無一百單一。
一碗飲啉未幹兩碗並相疊。
一時貓面一時狗面。
面皮較厚粗紙。
面皮紙糊窗，撓破無驚人。
人說勿聽鬼說樂樂行。
人識厝知。
人如蚊聲說如牛公。
牛仔勿識虎。
虎行路也會盹眠。
虎頭蛇尾遛。
遛遛吃目珠。
目珠花花瓠子看做菜瓜，目珠眵眵水雞看做蟾蜍。
目珠沒會儲得一粒沙。
一日無事小神仙。
神仙無法救得無命人。
人若呆看面就知。
人死留名虎死流留皮。
皮得繃以嚴。
嚴官府出厚賊 。
賊吃狗睏。
賊較惡人。
人面較好官印。
官棰治人人會倦。
餓倦飽大胗。
飽人不知餓人大。
飽死較好餓死。
死人快過日，活人苦沒會直。
直來直去勿得九彎十八返（中）
